Svizra - Nagina surveglianza statala per assicuraders
Las assicuranzas na duain betg suttastar ad ina surveglianza statala. Quai ha decis la cumissiun d’economia dal Cussegl dals Chantuns cur ch’ella ha discutà la lescha davart ils servetschs da finanzas e la lescha davart ils instituts da finanzas.
La lescha davart ils servetschs da finanzas na duai però betg valair per las assicuranzas. Cun quai resguardia ella in giavisch da la branscha dad assicuranzas, ha communitgà la cumissiun. Sch’ina regulaziun saja necessaria duajan ins adattar las leschas da las assicuranzas. Las duas novas leschas duain rinforzar la protecziun dals consuments e dals investiders.
