Legenda:
Las pendicularas pudessian spargnar radund 400'000.- francs ad onn, senza la taglia sin petroli per las maschinas da pista.
RTR
cuntegn
Svizra - Nagina taglia sin petroli per maschinas da pista
Maschinas da pista duajan vegnir per part distgargiadas da la taglia sin petroli. Il Cussegl dals chantun ha approvà ina lescha correspundenta cunter la veglia da la cumissiun.
Avant ch’il cussegl vegn a tractar ils detagls sto uss la cumissiun sa consultar. La cumissiun era stada da l'avis ch’ina regla speziala na saja betg giustifitgada e na nizzegia er betg al turissem.
Stefan Engler, il cusseglier dals chantuns grischun, ha perencunter fatg valair ch’ina tala distgargiada fiscala per maschinas da pista portia ad onn 400'000.- francs respargns per ina pendiculara.
