Siglir tar il cuntegn

Header

Schuldads da l'armada da l'Arabia Saudita en il Jemen.
Legenda: Fatschentas d'armaziun svizras na dastgan betg pli furnir armas a l'Arabia Saudita. Keystone
cuntegn

Svizra Naginas armas svizras pli per l’Arabia Saudita

La Svizra ha decis da franar per immediat furniziuns d'armas a l'Arabia Saudita. Il reginvel maina il mument in'allianza internaziunala che bumberdescha posiziuns dals rebels schiits en il Jemen.

Tenor las Naziuns Unidas cuntrafan questas attatgas al dretg internaziunal. Sco quai che la "SonntagsZeitung" rapporta na pertutgia il scumond però betg la muniziun e tocs da reserva uschia che l'industria d'armaziun svizra po vinavant far bunas fatschentas.

Sulet dal schaner enfin il mars ha la Svizra furnì a l'armada da l'Arabia Saudita tocs da reserva per 1,2 milliardas francs.

Attatgas da l'Arabia Saudita sin ils rebels en il Jemen cuntrafan al dretg internaziunal.
Autur: Johannes van der KlauuwCoordinatur da l'ONU

Las attatgas ord l'aria da l'Arabia Saudita en il Jemen cuntrafan tenor las Naziuns Unidas al dretg internaziunal. Las attatgas sin regiuns abitadas senza avertiments hajan enfin ussa gia chaschunà la mort da passa 600 persunas, ha declerà il coordinatur da l'ONU Johannes van der Klauuw.

Curt avant aveva l'allianza sut l'Arabia Saudita attatgà la terza notg en seria posiziuns dals rebels schiits. L'Arabia Saudita e ses alliads vulan uschia sustegnair il president dal Jemen Abd-Rabbu Mansur Hadi ch'è fugì or dal pajais.

RR novitads 07:00

Artitgels legids il pli savens

Scrollar a sanestra Scrollar a dretga