Svizra - Naginas mesiras supplementaras el cumbat cunter il terror
La cumissiun per la politica da segirezza dal Cussegl dals chantuns na vul naginas mesiras supplementaras el cumbat cunter il terror. Impurtant saja la lescha nova per il servetsch secret.
Las leschas vertentas e las midadas planisadas tanschian per persequitar acts terroristics, scriva la cumissiun da segirezza dal Cussegl dals chantuns. Impurtant saja che la nova lescha dal servetsch secret e la lescha revedida per survegliar il traffic da posta e telecommunicaziun entrian tant pli spert en vigur. Ord vista da la cumissiun saja da metter il focus sin las mesiras da prevegnir al terrorissem.
