Cunter las propostas dal Cussegl federal, d’avair reglas pli severas per daners betg stads suttaposts a la taglia, è ina maioritad burgaisa stada. Ella è suandada a sia cumissiun economica.
La maioritad el Cussegl naziunal ha argumentà, ch’ina lescha nova sminueschia la cumpetitivitad da las bancas svizras. La ministra da finanzas Eveline Widmer-Schlumpf ha argumentà adumbatten, che schizunt l’Associaziun da las bancas svizras sustegnia la lescha.
La fatschenta va uss al Cussegl dals chantuns. N’entra quel betg en la fatschenta, alura è quella giud maisa.
RR Novitads 10:00