Siglir tar il cuntegn

Header

cuntegn

Svizra Naginas reducziuns tar l'agricultura

Il Cussegl dals chantuns na vul betg spargnar tar l’agricultura. La chombra pitschna ha midà maini en la debatta davart in pachet da spargn. Cun 22 cunter 21 vusch, tar 1 abstenziun, ha il Cussegl dals chantuns acceptà la proposta d'ina minoritad.

Oriundamain aveva il Cussegl dals chantuns fatg la proposta da cumpromis da spargnar 30 milliuns francs tar l’agricultura. Il Cussegl federal aveva proponì da spargnar 57 milliuns francs. Il Cussegl naziunal ha proponì da spargnar nagut. Uschia resta l'agricultura en il preventiv federal cun radund 3,5 milliardas francs.

Cunquai che las duas chombras han tuttina anc differenzas quant spargnar en il sectur da sanadad, va la fatschenta enavos al Cussegl naziunal.

RR novitads 17:00

Artitgels legids il pli savens