Siglir tar il cuntegn
Inhalt

Svizra Naginas subvenziuns per animals cun cornas

Cuntrari a la cumissiun d’economia dal Cussegl naziunal è quella dal Cussegl dals chantuns cunter ina cuntraproposta indirecta tar l’iniziativa per las vatgas cun cornas.

Vatga cun cornas.
Legenda: Purs da vatgas cun cornas na duain per la cumissiun dal Cussegl dals chantuns betg survegnir dapli daners. Keystone

Cun otg tar duas vuschs ed ina abstenziun è la cumissiun d'economia dal Cussegl dals chantuns sa decidida da refusar ina cuntraproposta indirecta tar l'iniziativa da vatgas cun cornas. Uschia cuntradi la cumissiun a quella dal Cussegl naziunal. Er cun questa creeschian ins novas subvenziuns, ha la cumissiun scrit en il rapport. Las expensas per subvenziuns supplementaras stoppian ins spargnar insanua auter en il budget d'agricultura.

Subvenziuns per vatgas cun cornas

L’iniziativa dal pievel pretenda che purs ch’han vatgas e chauras cun cornas survegnian subvenziuns supplementaras. Er la cuntraproposta indirecta prevesa da sustegnair purs cun animals cun cornas. Quai sut la cundiziun ch'ils purs sa tegnessan vi da tscherts standards per il bainstar dals animals.

RR novitads 17:00