Siglir tar il cuntegn

Svizra Naginas tschigulattas pli tar la posta

La posta svizra na venda betg pli tschigulattas e dultschims als spurtegls en l’avegnir. Sco quai ch’ils responsabels da la posta scrivan duai uss vegnir concentrà sin products d’uffizis sco sin products e purschidas da telecommunicaziun.

Duas persunas al spurtegl da la posta.
Legenda: Las tschigulattas ed ils dultschims svaneschan dals spurtegls da la posta svizra. Keystone

Vinavant vul la posta dentant vender cudeschs, material da papetaria e cartas da regal. Cun la vendita da products als spurtegls fa la posta tenor atgnas indicaziuns onn per onn radund 500 milliuns francs svieuta.

RR novitads 15.00