Siglir tar il cuntegn

Svizra Nagins daners supplementars per l’ANR

Il cussegl naziunal na dat nagins daners supplementars per l’Agentura da novitads Rumantscha ANR. El ha refusà ina proposta da Martin Candinas da conceder 120'000 francs ad onn per la perioda 2016-2020.

logo anr
Legenda: La ANR na po betg crear ina nova plazza. Il cussegl naziunal ha renvià daners supplementars. RTR, C. Albin

Cun ils daners supplementars vuleva la ANR stgaffir ina nova plazza da lavur en il sectur online; pia cun novitads curtas per las paginas d’internet.

1,12 milliardas francs per promover la cultura

En general ha il cussegl naziunal dentant approvà la promoziun da cultura per ils onns 2016-2020 cun ina summa da 1,12 milliardas francs. Quai è in augment da 3,4%.

L’idea per online resta actuala

L’idea da stgaffir ina nova plazza da lavur tar la ANR per il sectur online resta, malgrà ch’il cussegl naziunal ha refusà oz ils daners. Quai ha ditg Martin Gabriel, president da la fundaziun da la ANR, sin dumonda dad RTR. Ina chaschun sajan las tractativas per la cunvegna da prestaziun cun chantun ed uffizi da cultura che hajan lieu l’onn 2016.

RR novitads 14.00