Siglir tar il cuntegn

Header

Navigaziun

cuntegn

Svizra Nagins pesticids sintetics pli en Svizra

La Svizra duai scumandar tut ils pesticids sintetics. Quai pretenda in’iniziativa dal pievel ch’è vegnida inoltrada la stad passada cun passa 120'000 suttascripziuns. A Berna han ils iniziants lantschà oz la campagna d’infurmaziun.

Purtret d'in tractor che sprizza pesticids sintetics.
Legenda: Ina Svizra senza pesticids sintetics vul in'iniziativa dal pievel. Keystone

Pesticids sintetics pericliteschian la sanadad da l’entira populaziun e pericliteschian la diversitad biologica. La finamira da quellas substanzas saja numnadamain da mazzar, saja quai ussa bulieus, zerclim u insects. E quei fetschian els senza far la differenza tranter parasits ed animals u plantas nizzaivlas, scrivan ils iniziants. Sper il diever da talas substanzas en Svizra vul l’iniziativa era scumandar, suenter ina fasa transitorica da 10 onns, l’import da victualias ch’èn vegnidas producidas cun pesticids sintetics.

Cunter l’iniziativa sa dosta l’uniun purila svizra. Ella tema che l’iniziativa sfurzass l’entira Svizra da producir bio e che las victualias vegnissan uschia pli charas. I dovria bain mesiras per il diever da pesticids. Il Cussegl federal fetschia dentant gia avunda.

Probabel decida il suveran l’auter onn davart l’iniziativa per in scumond da pesticids sintetics.

RR novitads 12:00