Siglir tar il cuntegn

Header

cuntegn

Svizra Nagins policists gratuits per Sion 2026

Sche Sion pudess organisar ils gieus olimpics d'enviern 2026, lura na mettan ils auters chantuns probablamain betg a disposiziun ad els policists gratuitamain. Quai è sa mussà d'in inscunter da la conferenza dals directurs chantunals da giustia e polizia.

Bain han ils directurs da polizia l’intenziun da trametter policists per quest eveniment, ma la dumonda dals custs divida las opiniuns. La decisiun prendan alura las singulas regenzas chantunalas. Il Vallais aveva dumandà ils chantuns avant in'emna e mez per la medema varianta sco quai ch'il turnier da ballape da l'EURO 2008 ha gì. Là han tut ils chantuns tramess policists, dentant n'han els betg quintà giu ils custs da 600 francs per policist e di previs tenor la cunvegna interchantunala per servetschs da polizists (IKAPOL).

Duvrà vegnissan 190'000 policists per di, plus ina reserva da 30%. Da quels stuessan 133'000 vegnir dumandads tar chantuns che n'han nagins lieus d'occurenza. Quai fissan lura custs da 79 milliuns francs. Damai che la Confederaziun surpigliass 20% dals custs, fiss il quint maximalmain 63,8 milliuns aut.

RR novitads 18:00

Artitgels legids il pli savens