Siglir tar il cuntegn

Header

In um vid in telefon.
Legenda: Per blers èn ils telefonats d'agents da cassas da malsauns ina mulesta. Keystone
cuntegn

Svizra Nagins telefonats pli pervi da la cassa da malsauns

Ils telefonats malvis d'agents da cassas da malsauns duain avair ina fin. Il Cussegl naziunal ha approvà ina moziun or dal Cussegl dals chantuns che vul scumandar d'acquistar clientella nova per telefon.

Quest scumond na duai betg mo valair per l'assicuranza fundamentala, mabain era per assicuranzas supplementaras. Las provisiuns per far in contract cuntanschian summas immensas, che la populaziun paja la finala. Uschia ha argumentà la cussegliera Bea Heim da la cumissiun da sanadad dal Cussegl naziunal.

Damai ch’il Cussegl naziunal ha agiuntà intginas chaussas al text, sto il Cussegl dals chantuns tractar anc ina giada la fatschenta.

RR novitads 15:00