Uschia na vegnan probabel quatter auters territoris betg pli en dumonda.
Dapi il 2011 ha la societad naziunala per magasinar rument radioactiv (Nagra) examinà 6 territoris probabels. L'incumbensa era da proponer almain 2 territoris che vegnissan en dumonda per in tal magasin. Il Giura ost e Turitg nordost mussan tenor la Nagra las meglieras premissas per in deposit.
Legenda:
Ils dus territoris che la Nagra propona al Cussegl federal sco deposit per rument radioactiv.
SRF
Uschia vai vinavant:
- L'inspecturat da la segirtad nucleara ENSI e la cumissiun per la segirtad nucleara examineschan il rapport da la Nagra e l'uffizi federal d'energia fa lura in giudicament cumplessiv da las propostas examinadas.
- Il 2016 van tut ils rappports, tuttas expertisas e posiziuns en ina consultaziun publica.
- Il Cussegl federal decida probabel il 2017 davart las propostas da la Nagra.
- La Nagra fa lura examinaziuns pli profundas en las duas regiuns e decida fin il 2020 in lieu provisoric e fa las dumonda da permissiun generala.
- Il Cussegl federal decida il pli baud il 2027 davart la dumonda da permissiun generala. Sia decisiun sto vegn suttamess al parlament federal per l'approvaziun. La decisiun è suttamess al referendum facultativ.
L'ultim pled en il chapitel ha uschia probabel il pievel svizzer.
(RR novitads a las 10:00)