Svizra - NAGRA sto anc ina giada ir sur ils cudeschs
La tschertga dad in lieu adattà per deponer rument nuclear sa retardescha. L'inspecturat federal da la segirezza nucleara ENSI pretenda ulteriurs documents scientifics per ils dus lieus "Jura Ost" e Zürich Nordost" che vegnan il mument examinads.
Tenor l'ENSI sto la NAGRA, la Societad naziunala per magasinar il rument nuclear, furnir quests documents ils proxims mais. Quest pudessan effectuar ch’ulteriurs lieus stuessan vegnir prendids sut la marella per chattar ina schliaziun adattada per il rument nuclear en Svizra.
