La federaziun svizra da pestga ha elegì l'alet (squalius cephalus) perquai ch'el saja in artist da surviver ed in mussament plain speranza per la resistenza da la natira, hai num en ina communicaziun da medias.
L'alet tutga tar la famiglia carpa, la pli gronda famiglia da peschs dal mund. En Svizra è el fitg derasà ed il pesch che vegn avant il pli savens en auas ecologicamain restrenschidas. L'alet saja furber, disfidant e grev da pigliar, scriva la Federaziun svizra da pestga.
Artist da surviver
L'alet saja in veritabel artist da surviver, bunamain schon in opportunist, hai num en la communicaziun. El possia ir enturn cun zona d'aua destruida megler che tut ses members da la medema spezia. Sia fermezza da surviver saja era tar la redproducziun cun in grond dumber d'ovs.
