Els hajan bain ramassà 55'400 suttascripziuns ed uschia dapli che las 50'000 suttascripziuns necessarias. Fin oz da mezdi hajan ins però pir survegnì enavos 45'240 suttascripziuns autentifitgadas. Il termin per inoltrar las suttascripziuns spirescha questa saira.
Cunquai po la lescha da surveglianza ir en vigur sco quai ch'il parlament a Berna ha decidì. Vul dir: la surveglianza da persunas suspectadas po vegnir adattada al svilup tecnologic. Da nov pon la polizia tranter auter er infectar ils computers da las persunas suspectadas cun trojaners u er tadlar giu discurs da Skype. Per ils adversaris va quai memia lunsch. La lescha limiteschia ils dretgs fundamentals.
RR novitads 16:00