L'Alp Transit Gottard SA, ch'ha construì ils dus tunnels da basa al Gottard ed al Ceneri vegn schliada. Uss che las lavurs da finiziun ordaifer dal tunnel al Ceneri sajan a fin, haja l'interpresa accumplì sia incumbensa – communitgescha la SBB. Quai che resta da l'interpresa vegn integrà en las Viafiers federalas.
L'Alp Transit Gottard SA è vegnida fundada l'onn 1998. Las actas da l'interpresa van a las Viafiers federalas e vegnan tegnidas si per 20 onns. Messas en retscha fissan las actas 1,8 kilometers lungas, scriva la SBB.