Fin ussa aveva il concern prendì avant da crescher quest onn per 4,2%. Entant duai quai be pli dar in augment da radund 3,5%, sco quai che Nestlé communitgescha. Tut en tut ha il concern svizzer fatg ina svieuta da 65,5 milliardas francs ils prims nov mais. Cun influenzas da midadas dal curs da stgomi è quai in plus da 1%.
Surtut ils bass pretschs per materia prima smatgan sin la creschientscha dal concern. Il pli ferm plus portan l’aua da Nestlé (+4,9%) sco er il pavel d’animals (+4,3%).
RR novitads 08:00