Per in'agricultura ch'ha in futur han activists dal clima e gruppaziuns purilas pli pitschnas demonstrà a Berna. L'agricultura ed il nutriment duain daventar consequentamain ecologics, regenerativs, sozials e confurms al clima.
Tenor ils organisaturs han passa 2'000 demonstrantas e demonstrants pretendì, che l'agricultura daventia pli persistenta, che producents da mangiativas survegnian pretschs gists e che la finamira per il clima «netto nulla fin il 2030» vegnia cuntanschida.
Organisà la demonstraziun han giuvens activists dal clima cun sustegn dad organisaziuns purilas, Greenpeace e da diversas organisaziuns d'agid.
RTR novitads 17:00