La NZZ cumbatta anc adina cunter las consequenzas da l'attatga da cyber d’avant duas emnas. Ins haja stuì interrumper sistems centrals per la producziun da las gasettas, uschia la NZZ. Perquai hajan ins stuì producir l’ediziun da sonda gia la gievgia. La NZZ scriva dad ina situaziun excepziunala e ch’ella saja vi dal schliar ils problems ensemen cun spezialists externs. Avant duas emnas eri vegnì enconuschent, che hackers han attatgà la NZZ. Tenor experts da segirezza digitala la saja la NZZ probablamain pronta da pajar ils criminals.
Er las ediziuns da la sonda la gazettas da la chasa editura CH-Media, che utilisescha servetschs d'informatica ad la NZZ, èn pertutgadas. Da 16 ediziuns regiunalas hajan be 4 pudì vegnir producidas, uschia la chasa editura envers la SDA.
