Ils organisaturs da la Festa federala da lutga e da gieus alpesters vulan quest onn ina festa ch’è neutrala al clima. Sco ils organisaturs scrivan, vulan els cuntanscher quai cun cumpensar il CO2 che vegn producì. Concret duai uschè bler rument sco pussaivel vegnir reciclà. Plinavant veglian ils organisaturs spargnar palpiri e reutilisar il resgim.
La Festa federala da lutga e da gieus alpester vala sco pli grond eveniment sportiv da la Svizra. Dals 23 fin 25 d'avust vegnan spetgads 300'000 visitaders e visitadras a Zug.
RR novitads 12:00