La conferenza da las directuras e directurs d’energia vul render pli severas las reglas per stgaudar e per producir atgna electricitad. La finamira da la revisiun è da render il ils edifizis svizzers neutrals al clima enfin il pli tard il 2050.
Il sboz dal nov model da prescripziuns prevesa per exempel che pegnas fossilas pon, naven dal 2030, mo ple vegnir installadas en cass absolutamein excepziunals. Naven dal 2050 duain talas pignas mo pli esser en funcziun cun material dad arder regenerabel. Sco la conferenza da las directuras e dals directurs d’energia chantunals scriva vinavant, duain era las prescripziuns per la producziun d’atgna electricitad daventar pli restrictivas. Quellas valan surtut, cura ch'i va per installar indrizs fotovoltaics. Da nov duai la producziun d’atgna electricitad daventar obligatorica era tier sanaziuns da tetgs.
L'emprim ston ussa anc las associaziuns professiunalas ed organisaziuns interessadas prender posiziun tar il sboz cun las novas reglas. Il 2024 duain quellas lura vegnir approbadas definitivamein. Suenter ston ils chantuns integrar ellas en lur leschas d’energia.