Siglir tar il cuntegn
Inhalt

Svizra «Newcastle»: Virus fitg infectus tar giaglinas en il Tessin

En il Tessin è vegnida chattada la malsogna «Newcastle» en ina stalla da giaglinas che ovan. Cunquai che la malsogna da virus saja fitg infectusa vegnian mazzadas tut las giaglinas dal manaschi, ha communitgà la Confederaziun.

Persunas en vestgì da protecziun.
Legenda: Gia il 2011 era la malsogna «Newcastle» en Svizra – er quellas giaglinas cun la malsogna han stuì vegnir mazzadas. Keystone

Il chantun Tessin instradeschia tut il necessari per che la malsogna na sa derasia betg vinavant, scriva la Confederaziun. Tut las giaglinas vegnian mazzadas ed enturn il manaschi vegnia drizzada en ina zona da protecziun e surveglianza.

La malsogna «Newcastle» possia pertutgar differentas spezias d’utschels e sa derasia tras l'aria u contact direct. Per consuments na saja la malsogna betg privlusa.

Quai è l'emprima giada dapi sis onns che la malsogna è puspè vegnida chattada en Svizra.

RR novitads 18:00