Siglir tar il cuntegn
Inhalt

Svizra Ni gea ni na

Suenter ses triumf pretenda la Partida populara svizra in segund sez en il cussegl federal. La glista da candidats pussaivels è para lunga. Sisum stattan Heinz Tännler da l'Argovia, ch'era gia vegnì nominà il 2011, sco er il Cusseglier naziunal grischun Heinz Brand.

Heinz Brand fiss in dals candidats pussaivels per il sez dad Eveline Widmer-Schlumpf.
Legenda: Heinz Brand fiss in dals candidats pussaivels per il sez dad Eveline Widmer-Schlumpf. RTR, J. Clopath

Heinz Brand na di il mument però ni gea ni na ad ina candidatura. Sin la glista da la cumissiun interna la PPS figureschan il mument 10 nums, quels n'èn però betg sacrosancts. Tar ils candidats pussaivels tutgan er il Cusseglier dals chantuns da Schaffusa, Hannes Germann ed il Cusseglier naziunal da l’Argovia, Hansjörg Knecht. Er il Cusseglier naziunal da Berna, Albert Rösti fiss in’opziun. Fin ils 13 da november pon las partidas chantunalas inoltrar lur nominaziuns definitivas.