Il Cussegl federal vul restrenscher la vendita da chemicalias primaras sco nitrats ed acetons. Cun questa mesira vul il Cussegl federal evitar che terrorists cumpran en Svizra chemicalias per far materia explosiva. Europa saja anc adina mira dad attentats cun material explosiv.
Chemicalias primaras per materias explosivas, èn substanzas che vegnan avant en products dal mintgadi sco ladim, products da nettegiar bogns publics u dissolvents. Questas substanzas èsi en Svizra anc adina pussaivel da cumprar libramain. En l'Uniun europeica però è la vendita da quests products reglamentada dapi il 2014.
La midada da la lescha va uss en consultaziun.
audio
Mezdi: Cussegl federal vul restrenscher la vendita da chemicalias primaras
ord Actualitad dals 20.11.2019.
laschar ir. Durada: 53 Secundas.
RR novitads 12:00