Siglir tar il cuntegn

Header

cuntegn

Nivel da pretschs Svizra pli chara che tut ils pajais da l'Uniun europeica

Il nivel da pretschs en Svizra è per passa la mesadad pli aut che la media dals pajais da l'Uniun europeica. Cun quai è la Svizra pli chara che tut ils pajais da l'Uniun europeica. Quai mussa la disposiziun davart la paritad da la capacitad da cumpra da l'Uffizi federal per statistica (BFS) per l'onn 2019.

Per il medem chanaster da cumpras han Svizras e Svizzers pajà l'onn passa quintà enturn, 173 franc (155 euros). Ils 27 pajais da l'UE han pajà per il medem chanaster en media 100 euros. Il nivel dals pretschs, sin basa dal product interiur brut (BIP) è uschia stà tar 155,2% da quel da la media da l'UE – pia per la mesadad pli aut.

En Germania ha il medem chanaster da cumpra custà l'onn pasà 111 euros, anc in zic pli cha è quel stà en Austria cun 114 euros. Fertant che la Frantscha e l'Italia cun 109 respectiv 99,5 euros èn stads sut la media europeica. Uschia è la Svizra tenor il BFS il pli char pajais en la cumparegliaziun europeica, er davant l'Islanda (152,5) e la Norvegia (147,6). Il nivel il pli bel han ins chattà en Tirchia (44,4), ssuandà da la Mazedonia dal Nord (45,6) e l'Albania (50).

Il pli bler per la sanadad

Il pli bler hajan ils Svizzers da pajar per prestaziuns da sanadad (302 euros). Cleramain pli char saja il nivel da pretschs er tar l'educaziun e la scolaziun (270 euros) u tar la charn (234 euros). I dettia dentant er pretschs nua che la Svizra saja sut la media europeica, uschia tar mobiglias e tarpuns (94 euros).

Ord l'archiv dal Kassensturz:

video
Consuments svizzers pajan anc adina memia bler
Or da Kassensturz dals 03.03.2020.
laschar ir. Durada: 13 minutas 36 Secundas.

RTR novitads 17:00

Artitgels legids il pli savens