Notg considerablamain fraida

En grondas parts da la Svizra hai dà schelira la notg passada. Sut 1'000 meters hai dà fin -7.3 grads. Ad Arosa èsi vegnì mesirà -12.8 grads, uschè fraid sco anc mai la segunda mesadad da l'avrigl.

schelira Bild in Lightbox öffnen.

Legenda da maletgs: Il mument èsi fitg fraid en la Svizra. Keystone

Las temperaturas en Svizra èn per il mument extraordinari bassas. Ina notg per part clera ha laschà crudar las temperaturas la notg passada cler sut il punct da schelira. Sulettamain en il Tessin e sper il lai da Genevra hai dà lieus senza schelira.

Record ad Arosa

Per exempel ad Arosa èsi dapi ch’ins ha cumenzà a mesirar las temperaturas (1959) mai stà uschè fraid suenter ils 15 d’avrigl. Era en ils lieus Rüneberg e Visp esi vegnì mesirà temperaturas da record.

Normalmain vegni la primavaira surtut fraid en foppas. Spezial vi da l’ultima notg è dentant che la fradaglia è vegnida registrada en lieus elevads. Per exempel eri la davosa notg sin l’Üetliberg main fraid che a la plazza aviatica da Turitg. Autras primavairas eri adina gist il cuntrari.