Siglir tar il cuntegn

Header

Navigaziun

cuntegn

Svizra Notg ventusa cun «Marielou»

roms per terra
Legenda: Pumers sragischads e roms per terra – ils ferms vents dal stemprà «Marielou» na tschessan era betg dumengia (purtret simbolic). Keystone

Da la Svizra orientala vegnan annunziadas numeruas plantas sragischadas, per exempel da la Turgovia. Tenor SRF Meteo han ins mesirà en la Bassa tempos da vent da fin 128 km/h – en ils culms tempos d'orcan da fin 165 km/h.

Las autoritads averteschan da far attenziun da roma che croda da pumers, ubain era decoraziuns da Nadal ch'il vent po tschaffar e buffar uschè fitg ch'i daventan objects privlus. Era en il traffic vala dapli prudientscha.

Er per la dumengia quinta SRF Meteo cun ferms vents. Vitiers portia «Marielou» era naiv sin fin 1'000 meters, glindesdi giu sin 500 meters. En il nord da las alps quintani fin mardi cun 50 fin 100 centimeters naiv, local poi dar fin 150 centimeters naiv.

5 centimeters naiv
Legenda: A Camuns ha quai bischà la bunura – 5 centimeters naiv. RTR, Linus Livers

RR novitads 09:00