Sin la plazza d'exercizi da militar a Menzingen en il chantun Zug ha il secretariat statal per migraziun avert oz in alloschi per requirents d'asil. Il center federal en il chantunament da militar existent ha ina capacitad maximala da 120 letgs.
Dapi che la revisiun da la lescha d'asil è vegnida approvada po la Confederaziun duvrar agens edifizis durant maximal trais onns per dar suttetg a requirents d'asil. A Menzingen datti ina cunvegna cun la vischnanca, il chantun ed il departament federal per militar.
