Edward McMullen duai daventar il nov ambassadur american en Svizra. Il president american Donald Trump haja nominà il cussegliader politic. Quai ha communitgà la Chas'alva. McMullen aveva timunà la campagna da votaziun da Trump a South Carolina. Avant ch'el po però surpigliar il post – sto anc il senat dar ses consentiment.
Sco ultim è Suzy Levine stada ambassadura americana a Berna. Suenter l'elecziun da Donald Trump sco president american è ella però sa retratga. Il post d'ambassadur dals Stadis Unids da l'America per la Svizra e Liechtenstein è vacant dapi il schaner.
RR novitads 16:00