Ils cedels da pajament vegls valan anc enfin la fin da settember 2022. A partir d’october datti be anc ils codes da QR – pia mo il code quadratic, che cuntegna tut las datas dal quint.
Per persunas che na duvran betg sanes tecnicas novas pudess quai esser ina sfida, uschia la Pro Senectute Svizra:
Nus udin dad intginas senioras e seniors ch’ellas e ch’els èn malsegirs pervia da questa nova introducziun.
Malgrà il midament restan trais opziuns per pajar ils quints:
- Scanner il code da QR
- Endatar las datas manual
- Pajar ils quints al fanestrigl
Per la Pro Senectute èn las differentas opziuns fitg impurtantas, cun quai che circa 200’000 persunas da passa 80 onns na sappian betg co duvrar l’internet.
Taxa supplementara
Tgi che preferescha la metoda fisica dad ir a pajar il quint al fanestrigl sto far quint cun taxas da pajament al fanestrigl. Quellas paja normalmain la persuna u l'affar che survegn ils daners. Insaquantas firmas mettan però a quint las taxas a la persuna che paja. In quest cas è quai impurtant per la Pro Senectute da promover, dentant betg sfurzar il code da QR.