Legenda:
(maletg simbolic) En il nov center d'asil federal vegnan persunas che ston bandunar il pajais a star.
Keystone
cuntegn
Svizra - Nov center d'asil federal ad Embrach
Ad Embrach en il chantun da Turitg datti in ulteriur center d'asil federal; quai dentant per requirents d'asil che n'han betg survegnì ina lubientscha e ston bandunar il pajais. "Igl è lur davos'abitaziun en Svizra", ha ditg il directur da segirtad turitgais, Mario Fehr da la PS.
Embrach maina oz gia in center da transit cun 380 plazs. Quel vegn transferì en in center federal che porscha anc 360 plazs. La Confederaziun ha fatg in contract da locaziun per 15 onns cun il chantun. Quel po vegnir prolungà per 5 ulteriurs onns.
La Confederaziun, il chantun da Turitg e la vischnanca d’Embrach vegnan uss a planisar las midadas da construcziun.
