Siglir tar il cuntegn

Svizra Nov concept per energia da vent

Il Cussegl federal ha formulà las cundiziuns da basa per ovras d'energia da vent. Uss ha el tramess la fatschenta en consultaziun parlamentara.

Ina roda da vent sin in crest cun plantas.
Legenda: Il Cussegl federal ha formulà las cundiziuns da basa per implants da vent. Keystone

Ils davos onns è il dumber da plans per construir implants d'energia da vent s'augmentà, scriva l'Uffizi federal da svilup dal territori. Cun formular cundiziuns da basa vul la Confederaziun facilitar la lavur dals chantuns e da las vischnancas pertutgadas.

Il concept d'energia da vent duai gidar a resguardar aspects da la protecziun da la natira sco era evitar conflicts cun indrizs militars e tecnics. Cun il concept per l'energia da vent vul la Confederaziun tranter auter realisar la strategia d'energia 2050.

RR novitads 12:00