L'impurtant en furma concisa:
- Ils problems d'IT tar l'administraziun da taglia na chalan betg, quai tenor in rapport da la controlla da finanzas.
- A curta vista ha la Confederaziun stuì desister sin avairs da stgars dus milliardas francs, principalmain tar la taglia anticipada e taxas da bul.
- Entant lavura la software in zic pli spert, uschia hai num. Ils temps da spetga sajan sa reducids.
Avant in onn ha l'administraziun da taglia federala prendì en funcziun ina nova software. Per la taglia federala directa, la taglia anticipada e las taxas da bul.
Avairs a curta vista da 1,8 milliardas francs
La partenza era plain pannas, quai mussa il rapport da la controlla da finanzas. Durant plirs mais n'ha il sistem betg laschà ora admoniziuns e scussiuns. Quai ha confermà Joel Weibel da l'administraziun da taglia federala: «Igl ha dà a curta vista avairs da radund 1,8 milliardas francs, ch'èn uss dentant schliads. Pertutgà en spezial era la taglia anticipada e las taxas da bul.» Dus terzs da las summas haja l'administraziun da taglia entant pudì incassar, declera Weibel.
Ulteriurs problems sin la glista
La controlla da finanzas ha dentant ina glista d'ulteriurs problems. Tgi che lavura cun il sistem nov, dovra blera pazienza. Avrir in document dovria fin 20 secundas. Per part dovran ils collavuraturs per las medemas incumbensas fin il dubel dal temp ch'avant la midada da program. I na saja betg chapibel che l'administraziun da finanzas n'haja betg cumbattì il problem pli activamain.
Entant lavuria il program in zic pli spert di Joel Weibel.
Lià a l'Uffizi federal d'informatica
La nova software è er pli chara che planisà. Sin il martgà liber fissan las lavurs d'informatica necessarias da survegnir pli favuraivel. L'administraziun da taglia federala è dentant liada cun in contract a l'Uffizi federal d'informatica e tecnologia. E lez n'ha fin uss betg vulì sbassar ils pretschs.
RR novitads 06:00
