Siglir tar il cuntegn

Header

cuntegn

Svizra Nov'entschatta per la Partida cristiansociala

Cun Stefan Müller-Altermatt sco nov president ed in nov num, vulan ils cristiansocials cuntanscher dapli attenziun.

A la radunanza da delegads da la sonda è la Partida cristiansociala PCS sa decidida per in nov cumenzament. Da nov ha ella num «Associaziun cristiansociala» (Christlich-Soziale Vereinigung CSV). Quella unescha davent dad immediat tut las secziuns PCS da la PCD.

Temas da la politica sociala en il center

Ad Aarau han ils delegads plinavant elegì sco nov parsura il cusseglier naziunal dal chantun Soloturn Stefan Müller-Altermatt. La finamira da Müller-Altermatt saja da procurar ch'ils cristiansocials resortian pli bain en il concert da las partidas. Quai cun temas da la politica sociala e da la persistenza.

La nova associaziun vesa sasezza era sco represchentaziun burgaisa dals lavurants. En spezial vul ella sa drizzar a famiglias giuvnas e lavurants pli vegls. Temas centrals sajan la cumpatibilitad da famiglia e lavur, sco er la segirezza da las plazzas da lavur.

La nova «Associaziun cristian-sociala» resta ina part da la Partida cristian-democratica.

RR novitads 14:00

Artitgels legids il pli savens