Siglir tar il cuntegn

Header

Ina mattetta sin ina slackline.
Legenda: Il label pretenda tranter auter la surveglianza dals uffants tras persunas scoladas durant l'entir di. Keystone
cuntegn

Svizra Nov label per hotels da famiglia

Cun in label da qualitad «Premium Swiss Family Hotels» vulan intgins hotels svizzers sa posiziunar sco hotels da famiglias. Uschia vulan els sa distinguer da hotels pli bunmartgads en il spazi da l'euro.

Per pudair purtar il label «Premium Swiss Family Hotels» ston ils hotels porscher almain 50 uras tgira d'uffants professiunala, repartidas sin 7 dis ad emna. Latiers basegnan ils hotels duas atgnas attracziuns dadens u dadora per sport e giugs.

Plinavant ston las purschidas per creschids esser attractivas, per exempel ina sauna u ina sparta da wellness.

Hotels grischuns èn a la front

Tranter ils hotels che vulan lantschar il nov label sa chattan plirs hotels grischuns, numnadamain:

  • il Muchetta a Tavau,
  • il Rocksresort a Laax,
  • il Schweizerhof a Lai e
  • il Valbella Inn Resort a Lai.

Per il presidi da la cooperativa cun sedia a Cuira han ins elegì Walter Trösch, il possessur da la Swiss Holyday Park AG a Morschach.

RR novitads 15:00

Artitgels legids il pli savens

Ir a sanester Ir a dretg