Siglir tar il cuntegn

Svizra Nov'ovra idraulica a Hagneck

A Hagneck, tar la sbuccada dal flum Ara en il Lai da Bienna, ha il concern d’energia bernais BKW inaugurà il pli modern implant electric da flum en Svizra, scrivan ils gestiunaris. La construcziun da l’implant nov ha durà 4 onns e custà en tut 150 milliuns francs.

Il vegl implant idraulic a Hagneck.
Legenda: Il vegl implant idraulic a Hagneck che n'è uss betg pli en funcziun. Keystone

Il nov implant remplazza gia in’ovra existenta en il Canal da Hagneck. L’implant duai producir 40% dapli current electric ni tant sco per sur 27’000 chasadas.

L’implant na vegnia betg ad esser rentabel. La BKW haja tuttina decis da bajegiar l’implant, perquai ch’ella craja a lunga vista vi da la forza idraulica. Questa strategia correspundia a quella da la Confederaziun.

Il vegl implant, che ha dapli che 100 onns, aveva mussà flaivlezzas tar la deflussiun e la stabilitad durant las auas grondas dal 2005 e 2007.

RR novitads 12:00