Siglir tar il cuntegn

Header

Fullas da passagiers spetgan a la plazza aviatica a Kloten.
Legenda: Fullas da passagiers spetgan a la plazza aviatica a Kloten. Keystone
cuntegn

Svizra Nov record da passagiers a l'eroport da Turitg

Il 2015 èn passa 26 milliuns passagiers sgulads davent u atterrads sin la plazza aviatica da Turitg. In nov record, sco ils responsabels da la plazza aviatica communitgeschan. En cumparegliaziun cun l’onn avant è quai in augment da 3,2 per tschient.

Il dumber da sgols è restà pressapauc sco ils ultims onns. Ils aviuns eran dentant pli gronds ed en media er occupads meglier. Gia il 2014 aveva la plazza aviatica nudà in record cun surpassar la marca da 25 milliuns passagiers.

In aviun da la Swiss parta da l'eroport Turitg.
Legenda: Il transport da rauba è sa sminuì per circa 4% sin 411’780 tonnas. Keystone

Mintg'aviun cun media da 114 passagiers

L’onn 2015 han totalmain 26’281’228 passagiers fatg diever da l’eroport Turitg. En media eran tar mintga sgol 114 persunas a bord dals aviuns, quatter dapli ch’il 2014. Il grad d’utilisaziun da plazs da seser è s’augmentà levamain per 1,2% sin 76,8%. Latiers hai er gì dapli plazs da seser (+1,9%).

Radund 265’000 aviuns èn sgulads davent u atterrads a Turitg; dapli che la mesadad dals aviuns eran maschinas da la Swiss (54,6%). Sin plazza dus sa chatta Air Berlin, lura Edelweiss Air, German Wings e sin plazza tschintg las British Airways.

RR novitads 06:00

Artitgels legids il pli savens

Scrollar a sanestra Scrollar a dretga