Siglir tar il cuntegn

Header

Navigaziun

cuntegn

Svizra Nov record da visitaders tar las Viafiers da la Jungfrau

Durant l'onn 2018 ha la viafier pudì nudar per la terza giada passa in milliun visitaders. Durant l'onn da fatschenta 2018 èn radund 1,07 milliuns persunas vegnidas transportadas sin il Jungfraujoch.

Purtret da la Jungfraubahn.
Legenda: Las Viafiers da la Jungfrau han gì in bun onn. Keystone

Cumpareglià cun l’onn avant è quai in plus da 2,4%. I sa tractia dad in absolut record da visitaders – er cumpareglià cun l'onn 2015, cura ch'ins haja per l'emprima giada registrà passa in milliun giasts. Quai communitgeschan las Viafiers da la Jungfrau. D’attribuir saja quest resultat cunzunt a l’augment dals giasts ord pajais asiatics.

Pervi da la pauca naiv saja dentant il start en la nova stagiun d'enviern stà ina sfida. Grazia a la naiv artifiziala hajan ins dentant pudì arver intginas pistas l'entschatta december. Er las prognosas per questa stagiun sajan dentant positivas, quai grazia a la buna prevendita da bigliets.

Nov record tar muntogna

Tar tut las muntognas hajan ins cuntanschì novs records. La Grindelwald-Firstbahn ha nudà in plus da 27% cumpareglià cun l'onn avant. Tar la Harderbahn hai dà in plus da 21%. La Mürrenbahn ha nudà in plus da 9,8%.

RR novitads 09:00