Siglir tar il cuntegn

Header

cuntegn

Svizra Nov record: SMI cuntanscha marca da record

L’index dal martgà svizzer, l’SMI ha cumenzà il di da bursa cun in nov record. El è s’augmentà per 0,43% sin passa 9’550 puncts. Il record muntava fin uss a 9’548 puncts, nudà il zercladur 2007.

Curt e concis:

  • La damaun è l’index creschì sin la marca da record da 9'550 puncts.
  • Il motiv per il trend positiv èn ils martgads da l'exteriur.
  • Il record da fin uss era dals 4 da zercladur 2007 cun 9'548 puncts.

SMI: L’index principal

L’index principal sa cumpona da las 20 interpresas las pli bain chapitalisadas ed las pli liquidas en Svizra. Quai èn Nestlé, Hoffmann-La Roche, Novartis, UBS, ABB, Sika, Richemont, Zurich Insurance Group, Swiss Re, Credit Suisse, LafargeHolcim, Givaudan, Lonza, Geberit, Swisscom, SGS, Swatch Group, Adecco, Julius Bär, Swiss Life Holding.

Ils 30 da zercladur 1988 era l’index principal SMI vegnì lantschà cun 1'500 puncts. En quel èn cumpigliads ils 20 titels ils pli liquids e chapitalisads en Svizra. Il minus da record ha l’index cuntanschì ils 15 da schaner 1991 cun 1'279 puncts. La chapitalisaziun da l'index munta tenor l’agentura da novitads reuters a 1,16 billiuns francs.

Era ils dus auters index cun record

L’index SPI sco era l’index Swiss Leader Index han medemamain nudà il venderdi in nov aut da record.

RR novitads 10:00

Artitgels legids il pli savens

Ir a sanester Ir a dretg