La gruppa da Viafiers da la Jungfrau ha fatg l’onn passà in gudogn da stgars 47,8 milliuns francs. Quai saja in record, annunzia l’interpresa. Il gudogn dal 2018 è stà 15 pertschient pli aut che quel da l’onn avant.
Attracziun è Jungfraujoch
Quest resultat da record è stà pussaivel grazia la fulla da visitaders sin il Jungfraujoch. Cun 1,07 milliuns visitaders han ins surpassà la cifra maximala da fin uss per 2,4%. Cunzunt dapli Asiats hajan visità il Jungfraujoch. La reclama en Asia sco era en auters pajais cun «Jungfraujoch – Top of Europa» hajà mussà effect.
RR novitads 09:00
