Als gimnasis svizzers duajan vegnir rinforzads il rom matematica e la lingua d'instrucziun da la part dal pajais correspundenta, vul dir il tudestg, franzos, talian ed il rumantsch. Ils roms economia e dretg sco era informatica duajan vegnir offerts supplementarmain sco roms fundamentals ed ins duai amplifitgar la tscherna da roms d'accent, quai ha decis il Cussegl federal cun approvar la revisiun da la basa legala per la maturitad gimnasiala, che duai ir en vigur l'emprim d'avust 2024. Quella preveda era ina durada minimala obliganta da quatter onns enfin ch'ins ha la matura. Las disposiziuns legalas che valan en connex cun la maturitad gimnasiala èn dal 1995.
audio
Per tadlar: las novitads da las 12:00
ord RTR Audio dals 28.06.2023.
laschar ir. Durada: 3 minutas 53 Secundas.