Siglir tar il cuntegn

Svizra Nov schef per Helvetia

Philipp Gmür daventa nov CEO dal concern d'assicuranzas. El succeda a Stefan Loacker che banduna il concern suenter 9 onns a la testa per la fin d'avust.

Philipp Gmür.
Legenda: Il nov ferm um a la testa da Helvetia: Philipp Gmür. Keystone

Il schef dal concern d'assicuranzas Helvetia Stefan Loacker demissiunescha per la fin d'avust 2016. Loacker è stà dapi l'atun 2007 a la testa dal concern d'assicuranzas svizzer. L'um da 47 onns veglia tschertgar in midament professiunal, communitgescha Helvetia.

Philipp Gmür surpiglia

Il successur da Loacker daventa Philipp Gmür. Il giurist da 53 onns è actualmain il schef da Helvetia Svizra. Gmür saja ina persuna da cader cumpetenta e qualifitgada, scriva il concern en sia communicaziun. El haja passa 20 onns experientscha en la branscha d'assicuranzas. Philipp Gmür surpiglia sia nova funczuin per l'entschatta da settember.

RR novitads 09:00