Cun nov schefs sin 100 lavurants è cuntanschì in nov record, quai rapporta la gasetta Schweiz am Sonntag. L'inflaziun inutila da schefs vegn er crititgada da l'expert da management Rolf Dubs. Memia bleras firmas schlargian l'ierarchia, perquai ch'ellas na chattian betg la via ad ina direcziun moderna, uschia Dubs.
Dapli schefs han avantatgs e disavantatgs
Tenor Daniel Lampart da l'Uniun sindicala haja quest svilup cunzunt dischavantatgs per ils emploiads. Tar els saja vegnì spargnà ils ultims onns, saja quai en l'adminstraziun, la vendita u la producziun. Il stress saja creschì. Tar ils schefs perencunter sajan vegnidas creadas novas plazzas.
Auter vesa quai Daniella Lützelschwab da la federaziun dasl patruns. Tenor ella saja quai in svilup positiv. Emploiads na retschaivian betg pli simplamain instruvziuns, mabain veglian era direger u purtar cun la gestiun. Perquai creschìa il dumber da questas plazzas.
RR novitads 09:00