Siglir tar il cuntegn
cuntegn

Svizra Nova classificaziun – l'avegnir da la perscrutaziun svizra e l'UE

La Svizra pudess avair pli nauschas cundiziuns per far part al program da perscrutaziun scientific futur Horizon Europe da l’Uniun europeica. La Svizra ristgia in declassament rapporta l’agentura da novitads SDA.

In pesch vegn mesirà.
Legenda: L'UE etablescha novas mesiras per la perscrutaziun scientifica – e quai savess smanatschar la perscrutaziun svizra. Keystone

Suenter la cumissiun da l'Uniun europeica UE ha entant er la cumissiun responsabla dal parlament europeic decis quai.

Svizra e Gronda Britannia en ina gruppa

Stadis terzs che vulan sa participar al program da perscrutaziun vegnan partids en quatter differentas categorias. Fin ussa tutgava la Svizra cun la Norvegia, Liechtenstein e l’Islanda tar l'emprima. Tar «Horizon Europe» fiss quai per la perioda da 2021-2027 be pli la categoria quatter da «stadis terzs e regiuns» ensemen cun la Gronda Britannia.

Sco proxim gremi tracta il parlament da l'UE en chaussa

Sche la decisiun è definitiva avess quai per consequenza che la participaziun svizra a Horizon Europe fiss limitada a tscherts champs u suttamessa ad ulteriuras cundiziuns.

Uss vegn il dossier tractà dal plenum. Là na saja quai betg exclus, ch’il parlament segua a la recumandaziun da la cumissiun preparatorica. Suenter hajan anc il commembers da l’UE da s’exprimer en chaussa, rapporta la SDA.

RR novitads 17:00