Siglir tar il cuntegn

Header

cuntegn

Svizra Nova cunvegna da segirezza d'infurmaziun

La Svizra e la Corea dal Sid fan ina cunvegna davart la segirezza d’infurmaziuns. Quai han ils ministers da la defensiun dad omadus pajais Guy Parmelin e Song Young Moo fixà venderdi tar in inscunter a Seoul.

Plinavant han Guy Parmelin e Song Young Moo tractà l’engaschi da la Svizra en il rom da la cumissiun neutrala da surveglianza. Quai ha il Departament federal da defensiun, protecziun da la populaziun e sport communitgà via twitter.

Svizra survegliescha cunvegna d'armistizi

Guy Parmelin è fin dumengia en la Corea dal Sid: L’emprim saja el stà en la zona demilitarisada ed haja sa fatg in maletg da la lingia da demarcaziun. Tar quai saja el era s’infurmà davart la lavur dals uffiziers svizzers al lieu.

Suenter la fin da la guerra en la Corea il 1953 è la Svizra fitg preschenta en il pajais. L'incumbensa dals uffiziers svizzers è da survegliar la cunvegna d'armistizi tranter las partidas da guerra.

RR novitads 09:00

Artitgels legids il pli savens