Siglir tar il cuntegn

Header

cuntegn

Nova incarica Stadler prenda Leuthard en cussegl d'administraziun

Il constructur da trens Stadler prenda Doris Leuthard en il cussegl d'administraziun. La radunanza generala dals 30 d'avrigl duaja eleger l'anteriura cussegliera federala, hai num en la communicaziun.

Leuthard saja grazia a sia cumpetenza professiunala en dumondas da traffic ed infrastructura e sia experientscha politica in grond gudogn per il cussegl d'administraziun da Stadler. Uschia sa lascha Peter Stuhler, il president dal cussegl d'administraziun, citar en la communicaziun. Doris Leuthard ha era anc mandats en il cussegl d’administraziun dad autras interpresas, sco per exempel tar Coop e Bell.

Dal 2006 enfin la fin da l'onn 2018 è Leuthard stada cussegliera federala (PCD), a partir dal 2010 ministra da Departament federal per ambient, traffic, energia e communicaziun. Sia carriera politica ha ella cumenzà sco giurista ed advocata en il chantun Argovia.

Ord l'archiv

video
Doris Leuthard – quai che nus na vegnin mai ad emblidar
Or da Nouvo RTR dals 27.09.2018.
laschar ir. Durada: 2 minutas 29 Secundas.

RR novitads 7:30

Artitgels legids il pli savens