Siglir tar il cuntegn

Header

cuntegn

Nova metoda d'allevament Damain antibiotica e dapli bainstar dals vadels

In team da perscrutaders da Berna han sviluppà ina nova metoda per la producziun da charn da vadels. Quella metoda saja bunamain tuttina rentabla, dovra dentant bler damain antibiotica. Quai ha communitgà il fonds naziunal svizzer.

La metoda sa basa sin 3 mesiras principalas:

  • Uschia duain novs vadels be vegnir cumprads da purarias en vischinanza per reducir la ristga dals transports.
  • Ils novs vadels duain suenter ir per trais emnas en ina sort quarantina nua ch'els vegnan era vaccinads cunter la puntga.
  • Suenter vegnan tegnids maximalmain 10 vadels en ina gruppa.

Tar 19 purarias han perscrutadras e perscrutaders testà quest concept. Ils vadels han gì pli paucas malsognas ed i ha era dà pli paucs mortoris. Tar las purarias da congual, dovra mintga segund vadè antibiotica. Tar la metoda nova è quai be anc mintga sisavel.

La producziun da charn da vadels dovra bler antibiotica. Quai augmenta il ristg per bacterias resistentas. Quellas pon manar ad infecziuns tar uman ed animal ch'èn grevas da tractar.

audio
Per tadlar curt e cumpact
01:11 min, RTR Audio dals 08.04.2021.
laschar ir. Durada: 01:11 minutas.

RTR novitads 12:00;

Artitgels legids il pli savens

Scrollar a sanestra Scrollar a dretga