Siglir tar il cuntegn

Header

cuntegn

Nova strategia SBB Ir cun tren duai daventar pli simpel, pli cumadaivel ed attractiv

Las viafiers federalas han elavurà ina nova strategia, fin il 2030. Il focus è sin las clientas ed ils clients, sco er sin la filosofia: punctual, fidabel e segir.

Las viafiers federalas han elavurà ina nova strategia fin il 2030. Il focus giascha sin las clientas e sin ils clients sco er sin la filosofia: punctual, fidabel e segir. Ir cun il tren duai daventar pli simpel, pli cumadaivel e pli attractiv. La nova strategia prevesa perquai che clientas e clients vegnan infurmads meglier tar interrupziuns.

Vitier duai er l'accesibladad senza barrieras vegnir meglierada ed er il transport da velos duai vegnir bajegià ora. Sper quai vul la SBB metter en il center en in'emprima etappa enfin il 2025 in sistem da viafier robust e stabilitad finanziala, uschia ils responsabels oz envers las medias. La situaziun da las viafiers federalas saja actualmain ina sfida pervia da la pandemia da corona. Il 2020 era quai in deficitda passa 600 milliuns francs. La pandemia mussia dentant er ch'i dovria dapli flexibiladad, quella fetschia dentant pli grev a la SBB da calcular il cumportament da clientas e clients.

audio
Per tadlar curt e cumpact
01:03 min, RTR Audio dals 25.11.2021.
laschar ir. Durada: 01:03 minutas.

RTR novitads 12:00

Artitgels legids il pli savens

Scrollar a sanestra Scrollar a dretga