Svizra - Novartis cun augment da gudogn en il segund quartal
Tranter l'avrigl ed il zercladur ha Novartis fatg in gudogn da bunamain 8 milliardas dollars. Quai èn bunamain quatter giadas uschè bler sco durant il medem quartal da l'onn passà.
Il concern da farmazia Novartis ha augmentà sia svieuta sin passa 13 milliardas dollars il segund quartal da l'onn. Quai è in plus da 7% cumpareglià cun il medem temp da l'onn passà.
Il gudogn saja s'augmentà marcantamain pervi dad ina vendita extraordinaria sin 7,8 milliardas francs. Quai ha communitgà Novartis. Er las prognosas per il rest da l'onn sajan positivas.
